الخميس، 25 مايو 2017
الأحد، 16 أبريل 2017
(Healthy schizophrenia)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في بداية الحكاية هو في حد ميعرفش يعني ايه شيزوفرينيا؟ الي ميعرفش يروح يبحث على الانترنت ويرجع تاني
كفرد في المجتمع المصري الشيزوفرينيا بتمثل جزء كبير من حياتنا كلنا لدرجة اننا مش حاسين او بنحاول ومنواجهش نفسنا بالموضوع ده .... كنت عايش برا مصر لمدة تزيد عن 10 سنين قابلت كتير من العرب والعجم ومشفتش ف حد منهم انفصام زي الي عندنا , احنا شعب غريب جدا تركيبة جيرية على فرعونية على اوريبية على شوية تخاريف بنؤمن بيها وبنصدقها احيانا اكتر من حاجات في الدين عندنا , والسوال هنا هل مع الشيزوفرينيا الي موجودة ف داخل كل فرد مننا هنقدر نتقدم ؟ وايه يا ترى سبب الشيزوفرينيا دي اصلا ؟ وليه محدش حاسس بيها ؟
اولا : ايه سبب الشيزوفرينيا الي موجودة عند عدد كبير من المصريين ؟
ببساطة التربية هي السبب هتقولي ازاي ؟ هقولك
بص جوا بيتك كدا هتلاقي اب بيامر بحاجات ويعمل عكسها , ام بتنصح بنتها بالاحترام ولو في اي فرح ف العيلة تلاقيها جايبالها عده مكياج كاملة , الاخ الكبير صايع عارف يداري بلاويه عن البيت بس اخواته قفشوه وهو اقنعهم ان مدام محدش عارف من البيت يبقا خلاص , وكتير حاجة وعكسها بنلاقيها فحياتنا ...
المواقف دي مش بعينها هيا الي بتعملنا شيزوفرينيا ده كتر تكرار المواقف دي بيرسخ عندنا مبادئ الشيء وعكسه من غير ما ناخد بالنا بيتشكل عندنا الفكر الشيزوفريني .
ثانيا : ليه محدش حاسس بان عنده شيزوفرينيا ؟
الموضوع ليه اكتر من جانب , منها اننا منعرفش يعني ايه شيزوفرينيا اصلا وفي ناس عارفة الاسم بس وفاهمة انه انفصام ف الشخصية بس ايه معناه الله اعلم ,في بقا ناس مش عايزين يعرفو اي حاجة جديدة ودول ناس كتير اوي ف مجتمعاتنا ناس عايشة وخلاص لا بينتج ولا بيفكر ولا بيفكر انه يفكر ودول ربنا عالم بيهم .
ثالثا : هنتقدم بالحال الي احنا فيه ده ؟
انا شخصيا مش شايف امل اننا نتقدم بالانفصام الي موجود جوانا لان كل واحد مننا عنده الهدف وعكسه عنده الحلم والامل والاحباط والكسل عنده الشجاعة انه يفكر وعنده جبن رهيب انه يتكلم , الطريقة الي عاشت بيها الاجيال الي فاتت والي اتربينا عليها وصلتنا لحالنا الي احنا فيه . احيانا لما بمعن التفكير ف حالي وحال الي حواليا بلاقي ان رغم كل ده الانفصام ده ساعدني كتير فحياتي ياما كتير مواقف عديتها بسهولة جدا بسبب الانفصام ده وهو ده الي مخليني اقول عليه شيزوفرينيا صحية.
#شيزوفريني
الموضوع ليه اكتر من جانب , منها اننا منعرفش يعني ايه شيزوفرينيا اصلا وفي ناس عارفة الاسم بس وفاهمة انه انفصام ف الشخصية بس ايه معناه الله اعلم ,في بقا ناس مش عايزين يعرفو اي حاجة جديدة ودول ناس كتير اوي ف مجتمعاتنا ناس عايشة وخلاص لا بينتج ولا بيفكر ولا بيفكر انه يفكر ودول ربنا عالم بيهم .
ثالثا : هنتقدم بالحال الي احنا فيه ده ؟
انا شخصيا مش شايف امل اننا نتقدم بالانفصام الي موجود جوانا لان كل واحد مننا عنده الهدف وعكسه عنده الحلم والامل والاحباط والكسل عنده الشجاعة انه يفكر وعنده جبن رهيب انه يتكلم , الطريقة الي عاشت بيها الاجيال الي فاتت والي اتربينا عليها وصلتنا لحالنا الي احنا فيه . احيانا لما بمعن التفكير ف حالي وحال الي حواليا بلاقي ان رغم كل ده الانفصام ده ساعدني كتير فحياتي ياما كتير مواقف عديتها بسهولة جدا بسبب الانفصام ده وهو ده الي مخليني اقول عليه شيزوفرينيا صحية.
#شيزوفريني
الاشتراك في:
الرسائل (Atom)